Concerto "Debosses"

O vindeiro 3 de xaneiro na rúa Real a partires das 22'00 horas o "Grupo Debosses" renderá tributo a Bruce Sprinsteen.
Deixovos cun vídeo para abrir boca

Festas de Pontedeume preséntavos a "Debosses"

¡Que o pasedes ben!.

Fotos do Carnaval de Verán 2008

Por mor das moitas peticións recibidas, decidín poñer unhas fotografías do Carnaval de Verán 2008.
Comezamos coas fotografías dun grupo de amigos que sempre participan da festa, nesta ocasión decidiron ir a marea




tivemos un mimo ¿ou era unha estátua?


persoaxes de conto


sempre ben recibidos as portas dos bares


a raiña da festa



visitounos a aristocracia


desde Oriente


e tivemos ata gladiadores


Espero que as mesmas sexan do voso agrado. Si algunha das persoas que saen nas fotografías quere algunha, que mo pida por correo electrónico, chega con premer o botón que tedes arriba no blogue.

Magosto na Praza da Calzada

O vindeiro sábado 22 a partires das 21'00 horas argallado por Treme a Terra e Pontedamúsica, farán un magosto no marco imcoparábel da Praza da Calzada no que haberá Repichocada, Castañas, Chourizos ao Viño, Queimada e moita troula ate que o corpo aguante.

¡Que o pasedes ben!.

Polo samaín, magosto no Fubolín

Dicía Antón Reixa aquelo de que "o magosto para agosto", pero no Fubolín deixan os tópicos pra outros momentos e celebran coma tódolos anos por estas datas o magosto, coincidindo neste ano coa noite do Samaín. Haberá castañas asadas acompañadas de queixo e parrochos ó fume. Pros mais pequenos terán os tradicionais colares de zonchos, castañas cocidas coa pel atravesadas cun cordel a modo de colar, polo que a festa está garantida.
¡Que o pasedes ben!.

Vídeos da "Cucaña Marítima" e da "Queima do Galán" das Peras 2008

Cando xa pasou mais dun mes desde o remate das Festas das Peras 2008, neste blogue mostrámosvos un par de vídeos cos momentos que mais xente congrega nas festas, a "Cucaña Marítima" cun vídeo de 5 minutos nos que se ve de todo

e outro no que hai un resumo da "Cucaña Marítima" e a "Queima do Galán"

esperamos que sexan do voso agrado e vos lembren as festas deste ano mentres chegan as Peras 2009.
¡Que o pasedes ben!.

3ª Festa dos Callos en Centroña

O venres 10 de outono a partires das 20'30 horas, haberá callos, pan, viño, bola e café en Centroña cun custe de 6 euros por persoa. Esta festa contará coa participación do Grupo Maracaibo que porá o ritmo ata que o corpo aguante.
¡Que o pasedes ben!.

¡Ata maio non voltamos a Breamo!

29 de setembro, un día espléndido e gañas de pasalo ben, foron os ingredientes básicos pra que un ano mais a Romaría de Breamo fose un éxito ainda sendo luns.

Comezou o día coas misas e ca tradicional procesión ó redor da Capela de Breamo


portando a imaxe de San Miguel


o son das gaitas.

Despois cada quen disfrutou da festa da mellor forma posíbel a carón dos amigos ata que o corpo resistiu, sin esquecer as 9 voltas a capela, dando por despedido o verán a vez que xa se contan os días que faltan pra que chegue o 8 de maio e voltar a Breamo.
Deixovos coas reportaxes que fixeron en directo os da TVG en Breamo pra deleite de todos aqueles que non os viron. O primeiro é a conexión que fixeron a primeira hora.

Neste vai a entrevista que lle fixeron a unha pandilla a hora da comida.

O 29 de setembro subimos a Breamo

Chega o 29 de setembro, unha data agardada por tódolos eumeses para despedir o verán cunha Romaría no monte de Breamo.
Unha data na que respírase ledicia e o ambiente festivo pálpase no ambiente.
Lembra o lema que lanzan desde o concello "En Breamo xoga limpo", un eslógan que non fai mais que recordarnos que a diversión é posibel sin deixar todo cheo de lixo.


Unha vez dito o anterior so quédame convidarvos a participar da festa e a cantar conmigo " Solo te pido, solo te pido que me dejes tres días al año, San Miguel, Breamo y el río .....".

¡Que o pasedes ben!

Cartaz da Romaría de San Miguel de Breamo

Este é o cartaz que anuncia a chegada da de unha das datas mais esperadas por tódolos eumeses, o 29 de setembro día no que se celebra a Romaría de Breamo, ainda que tamén é un día triste xa que despedimos o verán.
De tódolos xeitos ¡que o pasedes ben!.

III Festival de Jazz de Pontedeume

Chega a súa III Edición o Festival de Jazz de Pontedeume. Este Festival está baixo a organización da Asociación Cultural Ponte da Música,

polo que diríxovos ó seu blogue para que teñades toda a información do mesmo. Non quería rematar este post sin mencioná-la páxina do III Festival de Jazz de Pontedeume.
¡Que o pasedes ben!.

Blogue con toda a programación das Festas das Peras 2008

A pouco mais dunha semana para o comezo das Festas das Peras 2008, a Comisión de Festas pon a nosa disposición un blogue para que non perdamos ningunha das moitas actividades que nos teñen preparadas, así como tamén puxeron o noso dispor un código para que poñamos nos nosos blogues un banner que nos dirixa directamente o blogue das Festas das Peras 2008.
Deixovos aquí o banner

un banner que como podedes comprobar xa puxen no lateral e que podedes facer o mesmo copiando o código do caixón. Aproveito a vez para darlle a noraboa a Comisión de Festas 2008 polo traballo que levaron e levan, un traballo que queda patente no blogue que fixeron para a nosa información.
¡Que o pasedes ben!.

O concerto de Cristina Pato e Mutenrohi será no pavillón da Casqueira

Mediante un correo electrónico recibido e polo seu anuncio en prensa, trasládase de lugar o concerto de Cristina Pato e Mutenrohi ao pavillón da Casqueira por mor das inclemencias climatolóxicas.

O venres Quinteto musical Valla-Brass e o sábado Cristina Pato e Mutenrohi

O venres día 29 de agosto a partires das 21'00 horas, na Igrexa parroquial de Santiago haberá a actuación musical do "Quinteto musical Valla-Brass".
O sábado 30 de agosto a partires das 22'00 horas, no Paseo Marítimo de Pontedeume haberá un concerto a cargo de "Cristina Pato e Mutenrohi".

Deixovos un vídeo preludio do que veremos o sábado

¡Que o pasedes ben!.

Xa está nas rúas de Pontedeume o libro das "Festas das Peras 2008"

Xa está nas rúas de Pontedeume o libro con toda a programación e actividades das Festas das Peras 2008.
Si non te queres perder nada ¡corre a mercalo! pois para este ano hai moitas actividades e novidades entre as que se inclúe unha velada puntuable para o campionato de España.
¡Que o pasedes ben!.

Noite de maxia en Pontedeume

Hoxe sábado a partires das 22'00 horas na praza da Calzada, será unha noite máxica en Pontedeume. A esa hora o "Mago Romarís"

fará as delicias e ilusionará a tódalas persoas que acudan a chamada do seu espectáculo titulado "Triunfos Copas".
¡Que o pasedes ben!.

II Festa do Bisté da Marola en Pontedeume

Hoxe 22 de agosto a partires das 21'00 horas na Alameda de Raxoi terá lugar a II Festa do Bisté da Marola, nome que en Pontedeume dáselle as sardiñas lañadas.
Esta festa está organizada e patrocinada por U.C.O.A. e coa colaboura do Concello de Pontedeume.
Nesta edición contarase coa actuación dunha charanga durante toda a noite.
Tralo éxito da I Edición a festa está asegurada, polo que desde aquí desexamos ¡Que o pasedes ben!.

"O soño dunha noite de verán" a cargo de Arjé Teatro do I.E.S Breamo

O sábado pola noite no marco incomparábel da praza da Calzada, tivemos a oportunidade de participar da obra de teatro "O soño dunha noite de verán" a cargo de Arjé Teatro do I.E.S. Breamo de Pontedeume.

Nesta páxina non se puxo noticia algunha dado que non nos enteramos a tempo de poñela e porque o correo que se recibiu para publicitálo acto chegou na tarde do sábado.
De tódolos xeitos aquí queda a nosa aportación e recoñecemento a Arjé Teatro polo bo rato que pasamos ao seu carón.
Deixovos o programa que nos deron para seguíla obra.


Esta obra de teatro organizouna o Concello de Pontedeume coa colaboura da Asociación de Veciños de Pontedeume.
¡Noraboa rapaces!.

V edición do Festival de Verán Pontedeume 2008

Mañá 15 de agosto a partires das 21'30 horas na praza da Calzada celebrarase o Festival de Verán, un certame que nesta ocasión chega a súa V edición.
Con esta mensaxe, a comisión organizadora do Festival quere invitarvos ao evento:

Un ano máis, e xa van cinco, celebraremos o "Festival de Verán" marcado polo pasamento de D. Antonio Leira (El Patolo) que nos deixou orfos da súa bonhomía e sobre todo a súa música. O seu inxente labor como director da Agrupación Artística Eumesa, da Banda Municipal e da Coral Polifónica, entre outras, encheu de melodías varias décadas de vida Eumesa. Que grande foi a súa semente e que colleita de músicos sairon das súas mans¡. Coa súa lembranza e o noso desexo de disfrute coas actuacións dos músicos e artistas eumeses, invitámolos a este 5º Festival.

A Comisión Organizadora

PRESENTADORES

• POLOLA
• MANUEL MOLARES

GRUPOS QUE PARTICIPARÁN

• ORBALLO
• ESTRELECER
• CHICAS DE ORO
• TRASNOCHADORES
• MACHUCAMBOS DEL EUME
• INTERMEZZO
• IRIADONA

COMO SOLISTAS E HUMORISTAS

• MARCOS Y EL EXTRAÑO
• A. BUJÍA (solista guitarra)
• MARÍA (La Habanera)
• ANA BELÉN
• CRISTINA
• TITO RÍOS
• PILAR BARRO
• CLARA

ORGANIZA

COLABOURA

Deixovos o enlace do artigo que mereceu a IV edición do Festival de Verán neste blogue.
¡Que o pasedes ben!

Festas na honra a Santa María en Centroña

• Mañá xoves día 14 de agosto comezarán as festas de Centroña na honra a Santa María. As 21'00 horas cunha salva de bombas de palenque dará comezo as festas e anunciarán que as 21'30 horas haberá unha Gran Polbada. As 23'00 horas dará comezo a verbena coa Orquestra Chaston.

• O venres 15 de agosto, día de Santa María, as 08'00 horas cunha gran salva de bombas de palenque iniciarase o día e de seguido alborada co Grupo de Gaitas "Airiños do Frade". As 13'30 horas haberá Misa Solemne acompañado coa Coral Polifónica Eumesa. As 14'30 horas haberá sesión vermouth coa Orquestra Xente Nova, orquestra que fará as delicias de todos na verbena a partires das 23'00 horas.

• Para o sábado día 16 de agosto, día de San Roque, as bombas de palenque das 08'00 horas iniciarán os festexos. As 13'30 horas haberá Misa Solemne acompañada do Coro de Franza. As 14'30 horas comezará a sesión vermouth coa Orquestra Chicas Show. As 17'30 horas haberá un concurso de tortillas e doces con xogos para os mais cativos. As 23'00 horas comezará a verbena coa Orquestra Chicas Show para facer un alto as 00'00 horas na que haberá unha Gran Tirada de Fogos de Artificio, para continuar coa verbena a partires das 00'30 horas.

• Para o domingo 17 de agosto, día dos Caneiros, haberá a partires das 14'00 horas unha Gran Sardiñada amenizada pola Charanga "O Vindaval" de Fisterra. As 20'00 horas haberá unha gran traca final para dar por finalizadas as Festas de Centroña 2008.

¡Que o pasedes ben!.

Polbo a feira, carnaval de verán e Rober Bodegas opcións para hoxe en Pontedeume

Para hoxe sábado 9 de agosto en Pontedeume temos moitas opccións, entre as que cabe destacar as seguintes:

• Comezamos o día con unha Gran Polbada e música no peirao de Pontedeume baixo a organización do clube de balonmán de Pontedeume. Nesta páxina tedes toda a información do evento.

• Seguimos có Carnaval de Verán, un evento que enche de ledicia e cor as rúas de Pontedeume. Deixovos o cartaz e a fotografía do disfraz de onte de Juancho, o organizador do evento, para que vexades o nivel dos disfraces en Pontedeume. Para os mais cativos haberá unha gran festa infantil de disfraces na Alameda.

• E como colofón a todo o día podemos disfrutar a partires das 01'00 horas na cervexería Beer´s Club, dun dos mellores monologuistas do momento, Rober Bodegas.

¡Que o pasedes ben!.

Hoxe en Pontedeume comeza o "Carnaval de Verán"

Chegou o día do inicio do Carnaval de Verán de Pontedeume. Un Carnaval que chega a súa 4ª edición precedido do éxito que tivo nas anteriores edicións e que nesta ocasión tamén repartirá 1400 euros en premios.
Deixovos o cartaz dos locais participantes no concurso do Carnaval de Verán, locais onde podedes acumular puntos cara os premios que sortean.


Deixovos o enlace do cartaz e fotos do ano pasado.
¡Que o pasedes ben!.