domingo, 31 de maio de 2009

Pontedeume en Vieiros

Un titular bastante conciso pero que reflicte con claridade o artigo de hoxe.
Hai tempo dende este blog intentouse dar a publicidade axeitada ás nosas festas coa intención de que estas chegasen ao coñecemento do máximo número de persoas.
Hoxe como proba de que este traballo é seguido e alcanza o obxectivo que se intentou dende a súa creación, móstrovos dúas fotografías


pertencen á edición de hoxe de Vieiros nas que se pode ver Pontedeume non só sae en prensa por temas políticos, senón que tamén reflicten o XXVI Día da Muiñeira de Pontedeume, unha festa á que dende este blog se recolleu e que tivo a honra de saír publicada na súa portada.
Dende este blog grazas a Vieiros e a Blogaliza por contribuír á difusión das nosas festas.

sexta-feira, 29 de maio de 2009

XXVI Edición do día da Muiñeira en Pontedeume


O vindeiro domingo chega a súa XXVI edición o día da Muiñeira.
Baixo a organización da Asociación Folklórica e Cultural Orballo de Pontedeume e do Concello de Pontedeume, desenvolveránse as seguintes actividades co gallo da celebración do seu 30 aniversario.
  • As 17'00 horas haberá concentración dos Grupos na Alameda de Raxoi
  • As 17'30 horas terá lugar o desfile polas principais rúas da Vila
  • As 18'00 horas darán comezo os actos centrais no Paseo Marítimo
¡Que o pasedes ben!.

quinta-feira, 14 de maio de 2009

Vídeos da TVG na Romaría de Breamo

Cando xa pasaron 6 días da Romaría de Breamo e a resaca xa parece ter pasado, podemos dicir que outro ano máis Breamo foi un éxito.
Dese éxito todos somos partícipes, uns en organización e preparación entre os que poderiamos citar ao Concello (limpeza camiño e lugar da Romaría ou campañas en favor da limpeza) ou outros por non dicir os que máis, todos os que participamos da devandita festa integrándonos nesta, chegando a contabilizar os organizadores máis de 3.000 persoas no reducido espazo da Capela de Breamo.
Dende este e outro blog tal e como é S.O.S. Pontedeume ¡denuncia!, tamén se quixo apoiar e contribuír co noso pequeno esforzo, por ese motivo se mandou información xunto co cartel da festa a un blog pertencente a La Opinión de Coruña como é Festa a Festa, un blog que vos recomiento e vos emprazo a visitar para estar puntualmente informados de calquera festa da nosa comunidade e que sacou este artigo sobre a Romaría de Breamo.
Para finalizar a entrada de hoxe, dicir que hai moitas fotografías da festa así como algún que outro vídeo, pero hoxe quero centrarme en difundir os vídeos que fixo a TVG en Breamo e que foron emitidos ese mesmo día dentro do seu programa A Revista.
En primeiro lugar móstrovos un vídeo que recolle os preparativos dunha das moitas cuadrillas que ocuparon e gozaron da festa dende primeira hora do día.

agalega.info - Videos das noticias dos informativos da TVG

E o segundo vídeo que recolle unha mostra da devoción dunha familia eumesa que todos coñecemos e do porqué das voltas á Capela de Breamo, aínda que a dúbida non queda resolta de se son 3, 7 ou 9 as voltas que hai que dar, iso si o único que non ten discusión é que teñen que ser en silencio.

agalega.info - Videos das noticias dos informativos da TVG

Para ver os vídeos a pantalla completa, facede dobre click sobre estes.

quinta-feira, 7 de maio de 2009

Todo preparado para subir a Breamo

Cando faltan pouco máis de 24 horas, podemos dicir que todo se encontra preparado para subir a Breamo.
Como todos sabemos o venres día 8 de maio celébrase a Romaría de Breamo, unha romaría moi concorrida en honor a San Miguel, polo que toda preparación é pouca con tal de garantir a festa na que se dá a benvida por parte dos eumeses ao verán.


Por parte do concello xa se acondicionaron os camiños e campo da festa


todas ou case todas as cuadrillas xa teñen reservado o seu lugar de localización e avituallamento para aguantar a festa de todo o día



no campo que rodea á capela xa se encontran todos os chiringos que darán colorido e ambiente a esta


polo que dende este blog soamente nos queda desexarvos que pasedes unha boa xornada romeira e recordarvos o lema do concello do ano pasado "En Breamo xoga limpo"


vémonos arriba ao son do coñecido " Solo te pido, solo te pido que me dejes tres días al año, San Miguel, Breamo y el río ....."