Festas do Carme en Pontedeume

O vindeiro mércores 16 de xullo darán comezo as Festas do Carme 2008 en Pontedeume.
A partires das 9 da mañá unha gran salva de bombas de palenque anunciarán o comezo das festas. As 11'30 horas comezará polas rúas de Pontedeume o pasarrúas a cargo de Charamela e da Charanga Riazor. Cando cheguen as 5 do serán haberá misa no peirao de Pontedeume coa Coral Polifónica "O Pote" de Maniños, danza de arcos para pasar ao seu remate a Procesión Marítima. Xa pola noite a partires das 22'30 horas haberá verbena na alameda de Raxoi ata altas horas da madrugada a cargo da Orquestra Chaston.

O xoves 17 de xullo a partires das 22'30 horas a festa correrá a cargo da Orquestra Tambo.

O venres 18 de xullo a partires das 7 do serán haberá no peirao de Pontedeume unha gran sardiñada a compañados pola música do Grupo Compás. Xa de noite a partires das 22'30 horas e como remate das festas, haberá unha gran verbena a cargo da Orquestra Ceniza ata altas horas da madrugada.
¡Que o pasedes ben!.

Sorteo dun coche e a "Filloeira de Lestedo" nas festas de Ombre

O vindeiro sábado 12 de xullo desde Ombre ofrécennos a oportunidade de pasar un día de festa e marchar cun tremendo agasallo.
A partires das 11 da mañá poderánse degustar as filloas que fará a "Filloeira de Lestedo", unha máquina capaz de facer 2000 filloas por hora. Deixovos un vídeo no que podedes ver a máquina en acción.

Xa pola tarde a partires das 9 do serán poderemos participar na Gran Churrascada.
A medianoite será o momento mais agardado por todos os que mercaron as rifas para o sorteo dun peugeot 207, sorteo que faráse ata que saia unha persoa agraciada a que faránselle entrega das chaves no propio campo da festa.
Acto seguido comezará a verbena ata altas horas da madrugada a cargo da Orquestra Canaria Armonía Show.
¡Que o pasedes ben!.

Sardiñada na praia de Ber

A localidade de Boebre quere homenaxear aos veraneantes cunha Gran Sardiñada na praia de Ber o vindeiro venres 11 de xullo a partires das 9 da noite, e despois a partires das 11 da noite festa rachada co Grupo musical Enclave.
¡Que o pasedes ben!.